Interview: Adham Soliman
- Salma Alaa
- Nov 13, 2016
- 3 min read
"أنا التايه في ملكوتك
أنا اللي بيرتوي بصوتك
يا ليلى أنا في الشعر مجنونك
أنا المرمي في احضانك وبسأال روحي مية مره
وأنا في حضنك بكون أبنك ساعتها ولا معشوقك"
بكلمات واحدة من أشهر أغانيه "التايه" غنى مطرب "الآندرجراوند" الشاب أدهم سليمان لطلاب الجامعة البريطانية، أثناء حفلة استقبال الطلاب الجدد الذي أحياها مع الفنان "محمود العسيلي"، وقد أستقبله الطلاب بحفاوة شديدة ورددوا معه كلمات أغانيهم المفضلة.
أدهم سليمان هو واحد من أبرز المطربين الذي ذاع صيته في الآونة الأخيرة بين الشباب.
ولد أدهم سليمان في الواحد والعشرين من يناير عام 1986 في محافظة أسيوط، ومن ثم أنتقل إلى المنصورة.
بدأ مشوار النجومية مع فرقة " ختم النسر" حيث كان المطرب الرئيسي فيها، وعلى الرغم من رغبته بالاستمرار بها، إلى إن حكمت الظروف على تركها فهناك من سافر، وهناك من أنشغل بالدراسة، ولكن أستمر أدهم في العمل وقد أطلق مؤخراً "ميني ألبوم".
تقرير: عمرو محمود، وميار خطاب
بداية نحب نرحب بك في الجامعة البريطانية، عرفنا إنك بتحب الرسم، القراءة، والغناء، إيه اللي خلاك ترتبط بالحجات دي، وبالأغاني بالذات؟
معرفش!، الغناء أكثر حاجة حبيتها فيهم، وللحاجات الثانية زي الرسم، والقراءة لسه بحبها
، وبمارسها بشكل شبه منتظم، بس أكثر حاجة لاقيت فيها نفسي، وبعبر عن نفسي فيها كويس هي الغناء.
أحكيلنا أكثر عن احساسك وأنت أول مره في الجامعة البريطانية، وإيه شعورك، والناس بره على آخرها مستنياك؟
أنا بتبسط من الناس، وبفرح لما أروح للناس من أصغر مكان لأكبر مكان إذا كان عندنا حاجة كويسه نسمعها ليهم، ونعمل حاجة تفرحهم لأن الناس فعلاً محتاجة تفرح اليومين دول.
بتحب حفلات الجامعة أكثر من حفلات ساقية الصاوي؟
لا، ساقية الصاوي مكان كبير له أحترامه بس أنا بتبسط جداً لما حفلاتي تكون في جامعة أو مكان مفتوح عموماً، وبعدين انا كل محافظة بروحها بقيت بشوف فيها مواهب كثير جداً والميديا بتورينا نماذج كثير زي دي.
ليه أخترت إنك تنزل أغانيك على“Soundcloud” بالرغم من انتشار التطبيقات الموسيقية الثانية زي ,“Youtube”وانغامي ؟
كلنا بنسعي أن يكون في مكان فيه أرشيف أو تاريخ للشغل بتاعنا.
أغلب الوقت مش بنشتغل على فكرة الfull album لأن الفكرة دي محتاجة شغل ومجهود كبير. أنا لسه بعتبر نفسي في الأول يعني أنا حتي لسه منزل قريب الميني البوم لأني قولت لو هنزل عدد قليل شويه بس أقدر اتحكم في جودته أحسن إني انزل 10 او 15 اغنيه. ال"soundcloud" تطبيق موجود عند كل الناس زي التويتر و الفيسبوك و الانستجرام ... ويعتبر أسهل ابليكشن للأستماع.
ده معناه أن سوق الاونلاين هو اللي ماشي دلوقتي عن سوق السيديهات؟
بحس بكده أكثر على الأقل بالنسبه للشباب، بس بره الامر مختلف شويه يعني الأونلاين موجود بس بيتواجد علي أساس انه جزء من منظومه كبيرة، وهنا المنظومه دي في الشرق الاوسط بشكل عام موجوده بس مش بنفس القوة، وحاجات زي الكاسيت كذلك بس واخدين خطوتين ورا شويه, فحالياً التصدر بالنسبالي بقي للأونلاين.
سمعنا إنك أنسحبت من باند "ختم النسر" وأشتغلت لوحدك! بتفكر تعمل باند تاني ولا ناوي تكمل كده؟!
آه طبعا بفكر إن أنا أعمل باند في وقت من الأوقات هعمل إن شاء الله حفله كبيره، وهتبقي حاجه قوية، وساعتها "ختم النسر" هيبقوا فيها.
حققت أغنية "أسمي" ضجة، ونجاح.. وكانت بداية شهرة أدهم سليمان، إيه تعليقك؟
"أسمي" مش بداية مشواري، بس هي كانت بداية معرفتي عند الناس، ودي حاجة متزعلش، بالعكس بتمنى أن الأغنية تكون فعلاً تستاهل، وأكيد فرحت جداً بنجاحها وأستقبال الجمهور ليها.
كتبت كلمات أغنية" أسمي" كيف تصف تلك التجربة؟
في خواطر الواحد بيكتبها ساعات، أو مذكرات تيجي في بالي بالليل ممكن يكون مثلاً مشهد شوفته في الشارع، أو مشهد شخصي في حياة حد، أو مشهد عن حد من أصحابي، والناس اللي حوالينا بشكل عام عن طريق ده كله بكتب رؤيتي أنا الخاصه و ممكن جدا لما أقرأ الكلام ده كمان اسبوع أو 10 أيام أستغرب جداً بس كل الحكايه إن اللي بيحصل في الواقع ، واللي أحنا بنحسه، وبنعيشه أوقات كتير جداً بيبقي أصدق من شعر قرر صاحبه إنه هيمسك قلم و فنجان القهوه فجأه، ويقول أنا هكتب شعر.
اخيراً إيه رأيك في تنظيم الايفينت؟، وإيه الكلمة اللي تحب توجهها للطلبة؟
الطلبة كان الله في عونكم، أحنا كمان كنا طلبة فيوم من الأيام.
ان شاء الله تكون حياتكم العمليه أحسن وأسهل. أنا عارف ان الجمله دي بتسمعوها من أيام المدرسه بس فعلا المره دي بجد دي آخر خطوة، والخطوات الجاية لازم تكونوا عارفين إنها أصعب مش أسهل، كل واحد مصيره هو حر فيه تماما,ً فإن شاء الله تنجحوا في كلياتكم وفي حياتكم بعد كده كمان.
تنظيم الايفينت انا شايف الموضوع مبشر جدا، وكويس جدا، وإن شاء الله الناس هتتبسط جدا لان الناس عامله شغلها كويس جدا، والجمهور اللي مستنينا لازم يلاقي مننا أحنا شغل كويس قوي إن شاء الله.
Comments