مصر دي تبقى أمك, ايوه أمك أنت!

,عزيزي القارئ

أكيد أنت لما قرأت العنوان إنتابك حالة من التلاتة الجايين دول: إما ضحكت، أو إتعصبت، أو إنك تعاني من حالة ال"مش فارقة معاك". لكن خلونا ندخل شوية في المواضيع الأساسية اللي على أساس مفهومك ليها هيتشكل رأيك في الموضوع أساساً

,عزيزي القارئ

لا تدع من يخدعك بمقولة ٧٠٠٠ سنه حضارة, سواء بالأهرامات التي لم تبني فيها حجر واحد أو بكليوباترا اللي بقت علبة سجاير، وكمان لا تدع من يخدعك بالعلاقات الدولية العتيقة اللي أنت متفهمش حاجه فيها, أو بالتعاليم اللي بنفيد بيها الناس و بعد كده نفتكر ان احنا معندناش حاجه نطبق عليها اللي اتعلمناه لنفسنا.

بس بالرغم من أي حاجة مما سبق, وبالرغم من اللي لسه جاي زي, مثلاً نسبة الفقر أو أزمة الأسعار أو التفريقات العنصرية و الدينية اللي بقت منتشرة بزيادة في مجتمعنا الحالي، كان فيه جملة سمعناها كلنا قالها حسين فهمي لأحمد السقا في فيلم مافيا: "انت ليه بتحب أمك رغم انها مش أجمل واحده في الدنيا؟" زي ما بقولك كده علي فكره والمصحف إتقالت بجد الجملة دي

مصر دي بقي هي أمك, وأمي, وأم الدنيا كلها, بالرغم من أي حاجه فيها! وقصاد كده أنا بكتب الكلام اللي معرفش بكتبه ليه أو أساساً بكتبه إزاي, بس حسّيت أن بالرغم من أن فيه ناس كتير أوي متعذبة في البلد دي، في حاجات ربنا بيعوضها لينا بشكل إيجابي وكبير

وأخيراً عشان الموضوع مايخدش اكبر من حقه, كفاية أن إحنا نحط الظروف في كل تفصيلة صغيرة بنعيشها وبلاش تعيشوا جو مش بتستهووه لمجرد يتقال عليكم ناس بتفهم. إحنا شعب أتعرف بخفة دمه, وانا متفهم ده كويس جداً, بس كنصيحة اخوية لكل حد لسه بيقرأ المكتوب ده: خليك في حالك وطور من نفسك وماتبصش لغيرك بسوء نية, يمكن لو عملت كده حالنا يتعدل وساعتها يمكن مقولة "مصر أم الدنيا و هتبقي قد الدنيا" تبقي حقيقه وواقع نقدر نعيشه قبل ما ننقرض

#Hope #Egypt #advice