Interview: Mahmoud El-Esseily
- Mahmoud Helmy
- Nov 14, 2016
- 3 min read
حوار وتر
من ما لا شك فيه أن "محمود العسيلي" من أحد أبرز الأوتار الشبابية المتميزة على ساحة الغناء ، حيث أن له أغاني فريدة من نوعها تستطيع جذب إنتباه السامعين خاصةً الشباب ، لتوائمه مع تلك المرحلة العمرية من كلمات و إسلوب و موسيقى.
ليس جديداً على فريق "Pause" أن يسير ضجة و يكسر حالة الملل بحفلة إستقبال باهرة ،و قد تشرف "Pause" بإجراء حوار مع النجم المتألق "محمود العسيلي" والكشف عن الكثير من أسراره و أخباره و تصريحاته الجديدة في حواره مع "Pause" ، إسمحوا لي بسرد هذا الحوار الشيق مع أحد صحافيين مجلة "PauseFeed" :
تقرير: علا السيد و روان عادل
ايه اكتر حاجه بتفرح العسيلي؟
لما اكون عالstage وشايف الناس كلها مبسوطة بسببي ساعتها ببفرح اوي اني مفرح عدد كبير اوي ,وده بالنسبالي احسن من اغنية بسجلها عشان بكون شايف رد فعل الناس الحلوة في لحظتها.
ايه الايفينتات اللي كنت بتعملها ايام الجامعه وايه اكتر ايفينتات بتعجبك؟
بحب الايفيناتات الانترتينمنت عموما بس بحب اكتر الميني حفلات اللي كنا بنعملها كتير. فيلم "خليج نعمة" غير فيك حاجه او خلاك تفكر بطريقة تانية ؟ خلاني اخد بالي بعد كده اختار بحرص اكتر الحاجات اللي حعملها في الدراما او السينما .هو الفيلم كان تجربة ناجحة ولكن بالنسبالي مكنش تجربة هايلة، فلو عايز اعمل حاجه زي كده تكون مختلفة شوية .
حضرتك قولت قبل كده في حوار مع "هند رضا" انك ضد برامج المواهب بالذات في جمله لحضرتك بتقول "المواهب بتتاخد لحم وتترمي عضم" ايه رايك في الموضوع ؟
انتي شوفي كام واحد طلع في برامج المواهب اللي كلكو بتعمولهم متابعه عالانستاجرام والتويتر وبيبقو سوبرستارز لمده تلات اربع شهور وبعدين بيعملو ايه؟ في ناس قليلة اوي اللي بتعدي عشان مفيش صناعة الانتاج، هما بيبقو ستارز في الشو وبس. بس كام واحد بينجح بجد؟ كام واحد بيبقى سوبر ستار بجد؟ كام واحد بيفضل في ال"Field"؟
الشهرة اليومين دول بقت سهلة اوي , ممكن تقولنا عن سكتك ايام ضعف السوشيال ميديا؟
دلوقتي اه السوشيال ميديا بقت مسهله الموضوع اوي ,الساوند كلاود والانستاجرام خلت كل اللي عنده موهبة بتتعرف بسرعه .. احنا لا احنا كنا بننزل نروح لموزعين ومنتجين وبنتعب وكنا بنفرح اوي لما حد يسمع عننا او يشوفنا في الشارع يعرفنا.
طب ممكن تقولنا حاجه حصلت معاك ترفع من معنويات الشباب؟
هو اي حد بيمر بمرحلة يحس انه مش قد حاجه معينه وانه عايز يبطل ويمشي .. وانا حصلي كده وكنت ناوي اسيب الكلية .. بس قرصت على نفسي وقمت على رجليا وكملت اقوى من الاول واشتغلت علي اللي بحبه والناس عرفتني.
سمعنا ان حضرتك بتحب السفر .. ممكن تقولنا عن احلى سفرية؟
انا بحب ايطاليا بنبسط فيها، هدفي اني الف ايطاليا كلها، يعني كل سنه هدفي اروح حته مختلفة لحد ماخلصها بعدين نشوق بلد تانية.
حضرتك بتعمل حاجه جديدة تبقى حصرية من حوارنا معاك؟
في اغنيه حتنزل جديد اسمها فرحة فيها صور من فرحي في الفيديو كليب
سمعنا اشاعه انك ناوي تبطل هل ده صحيح؟
لا هو الناس الفاضية بتحب تطلع اي كلام يشغل الناس تعد تتكلم عليه بس انا مش حبطل اعمل حاجه بحبها وشايف انها بتفرح اللي حوليا او ترفع معنويات حد او بتinspire حد. فنا مش حبطل طول مافي حتى شخص واحد بفرحه او بديله امل في تحقيق حلمه.
تحب تقول ايه لطلبة الجامعة؟
انا مبسوط اوي اني جيت النهاردة بقالي كتير مجتش وان شاء الله نكسر الدنيا النهاردة.
و بالفعل نجح "العسيلي" في إشعال حالة من المرح تملئ المكان و تمتع جميع الناس الموجودة في حفل الترحيب، و إستمتعنا بهذا اللقاء الخاص المفعم بإجابات مميزة مع هذا النجم المتميز.
Comments