MOBB: التدريب النفسى
- Mustafa Khalaf
- Nov 15, 2016
- 1 min read
من اهم انواع التدريب اللى قليل اوي بيتدربه هو التدريب النفسى. هل انت نفسيتك قوية كفاية انك تستحمل تعب وارهاق اللعبة ويكون عادي بعد كدة بالنسبالك اى ضغط؟ هل انت بتنهار لما تحس انك خسيت؟ ولا عارف انها مرحلة اى حد بيمر بيها؟ ياترة بتكزن مهيئ نفسك 100% انك رايح الجيم تلعب عضلة معينة بطريقة معينة بشدة معينة؟ ولا رايخ وزي ما تيجى تيجي؟ هل بتتخيل جسمك كمان سنة هيبقي عامل ازاي؟ ولا عايش فى وهم المنشطات؟ ولا انت مش بتتخيل اساسا؟ بتحس بشكل عضلتك وهي بتتحرك وسط التمرين ولا بتقعد تتكلم مع زميلك وخلاص؟ التمرين مش مجرد حركة جسمك, الموضوع اكبر من كدة مليون مرة. اقسملك بالله انك لو فصلت نفسك عن العالم وقت التمرين وركزت فعلا فى العضلة اللى بتلعبها هتلاقي اختلاف رهيب فى استجابة جسمك, انا ممكن العب متوازى مثلا لكن كل مجموعة اقدر احمل على عضلة غير التانية. الفكرة كلها فى الMind-Muscle Connection. زى ما بتمرن جسمك, مرن عقلك, افهم جسمك, شوف نقط ضعفك وركز عليها. عايزك لما تبص على نفسك فى المراية وقت الراحة بين المجمايع تقول على نفسك فعلا فنان ومبدع من كتر تركيزك فى اداء الحركة. خليك ايجابي فى تفكيرك فى نفسك, متقعدش تبص للناس وتقول عايز ابقي زى فلان ولا علان, خلي هدفك انك تكون احسن من نفسك. ركز فى نفسك بس, سيبك من الناس, هتسمع ناس كتييييييير بنتقضك. عادى ولا تحط فى دماغك, خلي نفسيتك قوية وتستحمل اى حاجة سلبية.
Kommentare